góð ferð

Átak Reiðhjólabænda, Gul hjól, er formlega hafið. Átakið snýr að vitundarvakningu bílstjóra um öryggi gangandi og hjólandi í umferðinni: fá bílstjóra til að láta símann eiga sig, horfa í kringum sig, vera meðvitaður um aðra í umferðinni, keyra á löglegum hraða, stoppa á gangbrautum og rauðum ljósum, o.m.f.

Átakið er samvinnu við og með stuðningi Samgöngustofu, Sjóvá, FÍB, Lögreglunnar, ÍSÍ, (flestallra) sveitarfélaga á höfuðborgarsvæðinu o.fl. og framkvæmt í sjálfboðaliðavinnu og með mikilli elju Reiðhjólabænda.

Hjólin eru sett upp nærri stöðum þar sem ökumenn hafa ollið alvarlegum slysum á virkum vegfarendum á undanförnum misserum. Þeim slysum hefur farið fjölgandi í haust og vetur og því full ástæða til að bregðast við þeirri þróun. Hjólunum er ætlað að verða sjónræn einkenni — eitthvað sem minnir fólk á að fara varlega á þeim stöðum þar sem leiðir ólíkra vegfarenda skerast.